Ekk kahaani

ekk kahaani yaad aati hai
hai siddhi saadi,phir bhi judaa si,
kuchh sochne par mazboor kar jaati hai

thi ekk gudia
thi ekk bitia
hoti to har ghar mein hi hai
to
ekk ghar mein thi ekk gudia si bitia
papa the
kahin kaam karte the
der se aksar ghar laut te the

ekk baar ki baat hai
jab papa laute,jagi thi bitia
muskuraati unki taraf badhi bitia

"papa,aap kitna kamaate ho ekk ghantey mein?"
puchha bitia ne

"tumhen kya krna hai jaan k"
uttar mila,thoda jhunjhlaye swar mein

"btao na,papa"

"lagbhag 100 rupye"
jwaab mila

"mujhe 50 rupaye chaahiye the,papa"

ukhdi si aawaaz aayi
"kisliye,phir dekha hoga koi khilauna,koi khilona nhi,
chalo,jaao,so jao"
kroddh tha vaani mein

gudia chupchaap apney kamre mein aa gyi

phir kuchh samayy baad jab pita kuchh sthir hua
mann mein uske woh prashan vicharne lga
apney par hi sharminda hone lga

khola pat bitia k kamre ka
aawaaz di

"bitia,so gyi kya?"

"nhi papa"

pita ne use 50 rupye diye,aur

tabhi
gudia ne apney takiye k neeche se kuchh nikala

gina

"papa,yeh lo aap,poorey 100 rupye,mujhe kal aapka ekk ganta chaahiye,zra jaldi aana"

ekk muskuraahat ke saath bitia boli.