Lado ka mann padhne ki ek naakaam koshish

O mere apney
Sanjoye the tumne
Meri khaatir kuchh sapney
Thaama tha mujhko
Saheja tha mujhko
Yeh yaad
Godi mein le ke sunaayi thi lori
Bahut maante they
Bahut chaahte they
Kya kar diya maine
Jo bna li yoon doori
Bahut jakham khaye rishton se
Naaton ne nocha,kharocha
Mila jaise mujhko sang tumhara
Maine bhi to bas ek ko diya bas sahaara
Ek yehi tha na tumahari nazar mein gunaah mera
Ek pal na socha
Na hi bichara
Tumare bina hai kaun mera sahara
Kaise hoga tum bin tumhari lado ka gujaara
Phir main wahin raah ki dhool mein houngi
Mere janak bin tumhare
Kya reh jayega astitav mera
Yeh lines likhi thi 16 january 2013 ko,
Ek soch aayi thi,tumhaare aur mere beech k un 9 dinon ki baat cheet padh kar,
Ekk naakaam si koshish ki thi,lado ban ne ki,tumare mann ko shabdon mein utaarne ki