Gharauda

Saahil par bnaya tha ekk gharauda.. Gharauda rishton ka,ehsaas ki ret se sajaaya khub har kone ko mann ne aks dikhta tha dar.o.deewar pr rishto ka ekk lehar aayi saagar se ekk chot aur dhah gyi deewar shesh h bs ekk dher ret ka siskte ehsaas k rishte ka dher

bahut mushqil hai

bahut mushqil hai jeena ekk sach k saath sach hota h sidha.sada so chamkte jhooth k aage tikta nhi jhooth k mulame k saath rishte kakya h maayne gar sach b parda lge to kya kahna kyuk sach to nagn hota h,isliye shaayad kadwa hota h

ekk sitara

ankhon k kone mein ekk sitara kuchh geela geela sa namudaar hota h aur ghum ho jaata hai chhor jaata hai ekk tiss jo der tk chubhti hai khwaab mrte jaate hain aur saansen chalti rhti hain jism k khatm hone tk

ek potli

Tha ekk sitara asmaa mein,jo aayatha bazm mein hamaari,rkha hmaare jakham par faaha aur khud ko apna kahaa,rhaa kuchh wqt anjumann mein hmaari,ban gya tha ekk abujh sa rishtaa,khubsur at khwaab dikhaye aankhon ko hmaari, tha mehmaa hmare wqt mein door se aaya tha,jana hi tha usko gulshan se hmaari,aaya akhir woh pal jab uski rujhsati ka,thi ekpotli di usne aur kaha h band isme duayen hmaari

shaayad....

shaayad daasta ki bhi adat pad jaati h.. Muh andherey hi uthna.. Poore gharr mein jhaadu.. Phir bantan.. Phir kitchen.. Nitya ka niyam.. Nitya ki duty.. Din bhar ghar mein idhar se udhar bhaagna daudna.. Phir der raat gaye pahloo mein sajnaa.. Chaah ho ya na ho.. Sehti aa rahi hai sadiyon se.. Ghar k liye.. Bachchon k liye.. Aakhir kyun sehti hai?.. Gharr akele uska hi hai kyaa?.. Doosre ki koi jimmedaari nahii ghar ki khaatir?.. Apni kokh mein seti hai bachchey ko.. Apna lahoo pilaati hai.. Janam deti h.. Khud ko bheege mein sula kr sukhey mein sulaati hai.. Kitna kuchh sehti h.. Tyaag krti hai.. Aur daasi bani rehti hai.. Sadiyon se chali aa rahi daasta khoon mein utar gayi hai shaayad....

udaas shaam

andhere ka anchal failati shaam..jheel ki ankhon mein faili udaasi..yun lgta h udaas shaam ki saari veerani jheel mein simat aayi h

Yeh ladkiyaan

Yeh ladkiyaan yeh behne yeh betiyaan hoti hain kitni saada dil saada varak bharam aur izzat par dafna deti hain khud ki khwaahisaat zindgi ki kali kaluti sadak par tarkol mein lapet kr aur umar bhar tay krti hain safar kuchaltey huye apney khwaahisaat tb tk jb tk safar zindgi ka tamaam na ho jaye..

kar dua

woh gujaarti hai apni zindgi is trha..jaise koi sazaa kaata krta hai..kar dua k usko khud ka khayaal aa jaye..nikal aaye woh apni berang zindgi se baahar

khuda

na jhuko itna mann logon k saamne...k log khud ko khuda smajne lgen

mann

tu to abhi se ghabra gya mann..dunia ne abhi pathar uthaye hain,maare nhi hain

zara sa manushya

tamaam tarhon se kam hota ja rha hoon din b din..meri kamiyon ko dargujar krna mere aas paas waalon....use sweekaar krna...jo main abhi bhi bcha hoon...zra sa manushya

Kidhar jaun

Kidhar jaun sujhta nhi sapney bulaate apni mehfil mein aur zindgii ki haqiqat woh to jaanti hai mujhe laut k waapas aana hi hain uske khandharaat tk chaahe jitna udd loon yakeen hai usko usko pta h jitne bhi khwaab bun loon meri haqiqat nhi badal skti jitni bhi chhanv khoj loon tapna to h apni sach k suraj ki tapish mein roj bunta hoon khwaabo ki makhmali chaadaren aur raat badhti jaati hai siyaah aur siyaah

toote dhaage

toote dhaage nhi judte.. judte hain to ganth ki badaulat.. chahe kitni safai se joda jave.. chhune pr mehsoos hua krti h.. tootey guldaan sajane k kaam nhiaate.. na hi tooti tasveer deewaron pr sajate hain...

Na jaane kyun

dhundhli shaam k saaye mein chali aati hai tumhari yaad dheere dheere.. Jb k jaanta hai yeh mann bhi k tum mere daayron se door ho.. Bahutt door.. K chaah kar bhi tum ko hoon nhi thaam skta.. Phir bhi na jaane kyun.. Shaam k dhundhlake mein tum yaad aati ho.. Na jaane kyun.......

kahaan hai sachchai

Sulagti sabz aankhon mein kadwaahat thi,sisktey ehsaason k benoor rang the, veeran aur jhulstey dard ka daria paar kia tha usne, saare khushrang khwaab noch liye the wqt ne us dhuaan dhuaan se chehrey parbs ek sawaal tha sachchaii.. Kahaan hai sachchaii jhooth nafrat aur khudgarzi k teeron ki baarish mein etbaar ka nnha gul murjhaa gya hai

parhej

Do ekk roj pehle gya tha dctr ki clinic,kai saare marij the,gya cabinmein mera nmbr aane par, dctr ne dekha,kai baaten puchhi,parcha uthaya,kuchh dwaaon k naam ghasit diye us par,aur kaha parhej krna hoga tumhen sapnon ko sajaane se parhej krna hoga

raina bulaye

Ankhon mein ayi h thodi si nindiya,jhapki hain halki si bitia ki palken,raina bulaye,pwn k jhonkon pe ho k swaar sapney aaye,mund ab to naina yeh apne,aa chal sajaayen apne gharondey,badalon ki ott se chand khele h aankh micholi,chal paas uske jaayen bna k apni toli,khelen kuchh khel sang uske hm dono

ninidia ri

Ninidia ri,aana tu palkon mein,nanhi pari ko sulana ri, o ri hwa,haule se behna,aur sahlana usko saari raat tu, o re sitaaro,chun mun krte sapney dena bitia ki ankho ko, nindiya ri,

khushi

Jalte hain hazaaron deep..ekk hi diye ki lau se..ghat.ti nhi lau na uski umar hi kam hoti hai..kuchh aisi hi hoti hai khushi bhi..badhti hai baatne se......

Parindey

Parindey, udte hain aasma pr, aur aa baithte hain kisi daali par, pr koi thakaan ya udaasi ni dikhti unke chehron pr, aisa hi kuchh chaahta hoon, apne aur tumhari khaatir, parindey thakte nhi kabhi? Unki thakaan unki udaasi tan mein paida ho nikal jaati h mann se baahar, shaayad unke tan aur mann k beech koi chhed ho, jo mann se baahar nikalta ho, yahaan tan ki thakaan, dard jhakhmon k tan se ho mann ki or beh jaate hain aur wahaan koi suraakh nhi hota, hr cheej jma hoti jaati h mann mein, woh ek chhed jo parindon mein hota h jo khulta h hawa mein, chahta hoon aisa hi koi chhed apne aur tumhari khaatir.

nanhi bitia

Yeh nanhi nanhi bitia uske chhote chhote naina aaja ri nindiya kisi se na kehna pankh lga ise sapnon k sja ise pariyon jaise maathe pe ho chaand ka tika saara jahaan pad jaaye iske aage feeka paanv mein de raag ki runjhun jo bhi sune woh ho jaaye dhun mein hi gum pariyon k sang khelegi yeh saari ratia subha ko fir laut aayegi bitia

bitia b bete ki trha hoti h

Na dekhi baahar ki dunia kbi, jaana nhi pizza hota kya h, bs ek lagan, bs ek soch, krna h roshan, jaana h aage sitaare se bhi aage, din to din,raat ko b lgi rahi, aur kar dikhaya usne, ekk chhoti si umar mein, woh jo har ek ka sapna hota h, kar dikhaya k bitia b bete ki trha hoti h,

sach karo

Sach kro unko, aakaar do unko, nikal kar apne mann se, uthao ek saada canvas, saakar kar dalo apni mann ki kalpana ko,

zindgii behti h

Zindgii behti h behti h yun jaise k behta daria kb kya ho anjaan hum kbi behtr to kbi badtar kbi anjaane mein mil jaati dher si khushiyan to kbi jholi mein aa jaate gam beshumaar mgar rukti nhi kbi wqt ki raftaar na ruke kbi nadia ki dhaar o re nanhi naav k nanhe khevaiya kaisa bhi pal ho rut ho kaisi bhi thaame rehna tu sabr ki patwaar aaj na sahi kbi to hogi mulakaat khushiyon se kbi to aayega nav yug naya sansaar

o ri gudia

O ri gudia,aa ja tu in baanho mein,aa ja jhoola jhulaun,thapki de k tujhko sulaun,nind ki dunia me le k jaun,le chalun tujhko chanda ki dunia me,pariyon k mele me, aa ja baahon mein

tera muskurata chehraa

Thaka jb bhi zindgi mein...
ya kbi gmzda hua...
tera muskuraata chehra numaya hua...
main ek baar phir se urjit ho utha... thaama hr baar tumne mujhe hmesha tum saath rhi mere...
meri bitia....
gar hamaare sitaare maan lenge unhi haar....
tumhi btalao....
hm diyon ko roshni kaun dega....

khuchh purane khat

Kuchh purane khat raat bhar main padhta rha, kamre ki roshni k sang main bhi saari raat jalta rha, kbi halki si hansi hontho pe aayi,aur ankhen nam huyi kbhi, saari raat kal ki yaadon main jagta rha, un khaton ko padhta aur sochta rha tumhare likhe shabdon mein chhipe arth ko dhoondhta rha, shabdon ko gol gol ghuma kr kehta hoon, tumhaara kaha yeh vakya poori raat chubhta rha, unke saath ghuma beete samay mein, unke sang kbi dooba,kbi utrta rha, mere kahe mere shabd mere paas na the to tumhare hi shabdon se apne shabdon ko jodta rha, tum soye the kuchh khush se thode the udaas, tumhaare maathe par padi shikan ko kal raat main takta rha.. Kal ki saari raat main jagta rha, kuchh puraane khat the, unko padhta rha...

khushiyaan

Paison mein kya bsti h khushiyaan? Ya milti h yeh safalta mein? Ya prem h iski chabhi? Kya nirbhar h khushi in par? Mujhe lgta h khushi hoti h hm mein hi khojna hota h usko apne hi antarmann mein usse jarurat nhi hoti kisi baahri aadambr ki chidiyon ki chahchahat mein hoti h khushi hwa k sangeet se milti h khushi raat k sitaare b bikherte hain jhilmil karti khushi chhoti chhoti chijon mein nikal aati h aur behne lgta h ek nirjhar antarmann mein khushi ka