Jaane kahaan hai

Jaane kahaan hai woh jamii jiski mujhko talaash hai yeh to hai kahaaniyon ka shahar kahaaniyan rehti hain yahaan khushnumaa chehron k saath

Jeevan so sa gya hai

Jeevan so sa gya hai.. Soonsaan hai sadak.. Vaapt hai san.naata chahun or.. Samayy thahar gya hai.. Saara wqt hai antardvand mein beeta.. Raah khaatme tk pahunch gyi hai.. Saamne thodi door par khadi hai mrityu.. Lene ko apne aalingan mein.. Kuchh bhi shesh nhi hai.. Samaapt ho gya hai spandan bhi.. Anubhuti ka swar bhi dikhta hai madhdham sa.. Aankhen bhi sapnon se rikt ho chuki hain.. Jeevan so sa gya hai...

Kal ki raat

Chaandni to roz hi raaton mein jamii par hoti hai.. Kal chaand jamii par aaya tha.. Shaf.faq badan, jheel si aankhen, jinmen doob jaane ko ji krta tha.. Ekk pal yoon lga k khwaab hai yeh.. Woh jisko dekhta tha sadiyon se aakash mein.. Kal uski rooh jism ban kr jamii par aayi thi.. Muskuraata hua woh mere saamne hi tha.. Yakeen hi na hua.. Aawaz yun thi jaise anginat ghunghroo baj rahe hon.. Aagosh mein jb lia usko.. Lga yoon aasman mein udd rha hoon jaise.. Beeti raat ka har lmha .. Aur lams uske honthon ka.. Ab bhi apne honthon par mehsoos hota hai mujhe.. Saare sitaarey simat aaye the meri chhat par.. Kal ki raat ekk roshan raat thi

Mere jeevan

Re nishthoor, kahaan gumm gya hai... kahaan chhup gya hai... Kahaa thaa tuney mujhse yahaan aate wqt.. Tere hi sang rahungaa main.. Par saath to nhi hai tu.. Talaashta hoon tujhko mere sakhaa.. Mere jeevan.. Mere praan....

tabdeeli

Bachchon ka bachpan..unka bda hona..dekha hai..kaise massoom bachpan chatur yauvan mein tabdeel hota h..kaise badalte jaate hain log..aise to hwa ka rukh bhi nhi badlta...