maa

aate ki loi ko chakle par rakhkar belan se belti hui MAAN gungunati hai koi geet uske chehre par tab ubhar rahe hote hain kai tarha ke bhaav maano woh aate ki loi nahin bel rahi ho prithvi ko woh prithvi ko loi ki tarha belkar pakana chahti hai suraj ki bhatthi mein aur hamesha ke liye mita dena chahti hai bhookh ki peeda pata nahin kabse nirantar jari hai MAAN ka prayas jab ki ab bhi jyon ki tyon barkarar hai apni poori golai mein yeh prithvi suraj ki aag aur pet ki bhukh magar sabse badi baat ye hai ki in tamam chizon ke saath zinda hai MAAN ki koshish umminden aur uske honthon par thakan mitane wali geeton ki gandhyukt mithas bhari gungunahat